కాపర్ బాటిల్స్​లో వాటర్ తాగుతున్నారా? - అయితే మీ లివర్​ డేంజర్​ జోన్​లో పడ్డట్లే!

Copper Bottles Disadvantages : మీరు డైలీ కాపర్ బాటిల్ లేదా బిందెలో స్టోర్ చేసిన వాటర్ తాగుతుంటారా? అయితే ఈ విషయాలు కచ్చితంగా తెలుసుకోవాలి. మీకు రాగి పాత్రలో నీళ్లు తాగితే ఆరోగ్య ప్రయోజనాలుంటాయని మాత్రమే తెలుసు. కానీ, వాటిని ఎక్కువగా యూజ్ చేయడం ద్వారా కొన్ని అనారోగ్య సమస్యలు వస్తాయంటున్నారు నిపుణులు. ఆ వివరాలేంటో ఇప్పుడు చూద్దాం..

Copper Vessels Drinking Water Disadvantages : మనం ఆరోగ్యం ఉండడానికి మంచి ఆహారంతో పాటు నీరు కూడా చాలా అవసరం. అయితే ప్రస్తుతం చాలా మంది రాగి పాత్రలో నీరు తాగడం వల్ల ఎన్నో ఆరోగ్య ప్రయోజనాలు ఉన్నాయని తెలుసుకుని రాగి బాటిళ్లు, బిందెలలో నీళ్లు తాగుతున్నారు. ఇక కొందరైతే ఆఫీసులు, హాస్పిటల్స్​, కాలేజీలకు కాపర్ బాటిల్స్ తీసుకెళ్తున్నారు. అయితే మీకు కూడా రాగి పాత్ర(Copper Bottles)లో నీళ్లు తాగే అలవాటు ఉంటే అలర్ట్ కావాల్సిందే అంటున్నారు ఆరోగ్య నిపుణులు. ఎందుకంటే కాపర్ పాత్రలను ఎక్కువగా యూజ్ చేయటం వల్ల అవి పలు ఆరోగ్య సమస్యలకు కారణం కావచ్చని నిపుణులు హెచ్చరిస్తున్నారు. ఇంతకీ రాగి పాత్రలోని వాటర్ తాగితే ఎలాంటి హెల్త్ ప్రాబ్లమ్స్ వస్తాయో ఈ స్టోరీలో తెలుసుకుందాం..

మానవ శరీరానికి అవసరమైన ట్రేస్ ఎలిమెంట్ రాగి.. వివిధ శారీరక ప్రక్రియలలో కీలక పాత్ర పోషిస్తుంది. ఇది బంధన కణజాలాల నిర్మాణం, శక్తి ఉత్పత్తి, ఎంజైమ్‌ల పనితీరులో పాల్గొంటుంది. అయితే ఇక్కడ రాగి తక్కువ మొత్తంలో అవసరం అవుతుంది. అలాకాకుండా మీరు అధికం మొత్తంలో రాగి తీసుకుంటే అది అనేక ఆరోగ్య సమస్యలకు దారి తీస్తుంది. ముఖ్యంగా రాగి పాత్రలలో నిల్వ ఉంచిన నీటిని ఎక్కువగా తీసుకోవడం ద్వారా కాపర్ టాక్సిసిటీ అయ్యే ప్రమాదం ఉందని నిపుణులు సూచిస్తున్నారు.

ఫలితంగా అది శరీరంలో జీవక్రియకు బాధ్యత వహించే కాలేయంపై ప్రభావం చూపే అవకాశం ఉందని పలు అధ్యయనాల్లో తేలింది. రాగి పాత్రలు లేదా బాటిల్స్ ద్వారా తాగే నీటి వినియోగం ద్వారా అది ప్రభావితమవుతుంది. ఎందుకంటే.. రాగి పాత్రలు యాంటీమైక్రోబయాల్ లక్షణాలను కలిగి ఉంటాయి. నీటిని శుద్ధి చేయడంలో ఇవి సహాయపడుతాయి. అయినప్పటికీ, రాగి అధికమొత్తంలో బాడీలో చేరితే ఆ కారణంగా కాపర్ టాక్సిసిటీ సంభవించి.. అది కాలేయ పనితీరుపై ప్రభావం చూపే అవకాశం ఉందని నిపుణులు చెబుతున్నారు.

ఏం జరుగుతుంది: శరీరం దాని సహజ నియంత్రణ విధానాలను అధిగమించి రాగిని అధికంగా సేకరించినప్పుడు కాపర్ విషపూరితం అయి.. కాలేయ సామర్థ్యం దెబ్బతింటుంది. దాంతో కాలేయ కణజాలంలో ఈ లోహం పేరుకుపోవడానికి దారితీస్తుంది. అలాగే కాలేయ కణాలను దెబ్బతీస్తుంది. ఫలితంగా వాటి సాధారణ పనితీరు మందగిస్తుంది. అదేవిధంగా రాగి తీసుకుంటే జింక్ వంటివి అతి తక్కువ మోతాదులో తీసుకోవాలి. ఎందుకంటే రాగి, జింక్ రెండు అధికంగా ఉంటే అవి పేగులలో ఇబ్బందిని కలిగించవచ్చు. వీటి ఇన్​బ్యాలెన్స్ వల్ల జింక్ స్థాయిలు పెరిగి విల్సన్స్ వంటి కొన్ని కాలేయ వ్యాధులు వచ్చే అవకాశం ఉంటుంది. ముఖ్యంగా రాగి మెటబాలిజమ్​ను బలహీనపరిచే జన్యుపరమైన రుగ్మత, విషపూరిత ప్రమాదాన్ని పెంచవచ్చు.

కాపర్ టాక్సిసిటీ సంకేతాలు..కాపర్ టాక్సిసిటీ అరుదుగా ఉన్నప్పటికీ.. వివిధ లక్షణాలతో వ్యక్తమవుతుంది. ప్రారంభ సంకేతాలలో వికారం, వాంతులు, విరేచనాలు ఉండవచ్చు. పరిస్థితి ఇలానే ఎక్కువ కాలం కొనసాగితే కాలేయం దెబ్బతినడం, మూత్రపిండాల సమస్యలు, గందరగోళం లేదా వణుకు వంటి నాడీ సంబంధిత లక్షణాలతో మరింత తీవ్రమైన సమస్యలకు దారితీస్తుంది. చర్మం రంగు పాలిపోవడాన్ని, దురదను కలుగజేస్తుంది. రోగనిరోధక పనితీరును ప్రభావితం చేయడంతో పాటు రక్తహీనతకు దారితీయవచ్చు. కడుపు నొప్పి, తలనొప్పి వంటి లక్షణాలు కనిపించవచ్చు. ఇలాంటి లక్షణాలు కనిపిస్తే వెంటనే వైద్యుడి సలహా తీసుకొని ట్రీట్​మెంట్ తీసుకోవడం మంచిది.