Health Tips for Skin: మానవ శరీరంలో అతిపెద్ద అవయవం చర్మం. శరీరం లోపలి భాగాలు ఎలా ఉన్నా.. ప్రతిఒక్కరి దృష్టి చర్మం, దాని సౌందర్యం మీదే ఉంటుంది. తాము అందంగా కనిపించాలని.. చర్మం నిగనిగ మెరవాలని అందరూ భావిస్తారు. దీని కోసం కొందరు రకరకాల క్రిములు రాస్తుంటారు. మరికొందరు ఆహార అలవాట్లు ద్వారా చర్మ సౌందర్యాన్ని కాపాడుకుని ప్రయత్నం చేస్తారు. అయితే చర్మ కాంతికి ఎలాంటి ఆహార నియమాలు పాటించాలో నిపుణుల మాటల్లో తెలుసుకుందాం.
- ఆహారం అలవాట్లు, నియమాలు చర్మం రంగుపై ప్రభావం చూపుతాయి. అయితే చర్మం రంగు పూర్తిగా మారదు. కానీ హైడ్రేషన్, పిగ్మెంటేషన్, ఎండలో తిరిగినప్పుడు చర్మం రంగు మారడం, చర్మం గ్లో మెరుగుపడే అవకాశం ఉంటుంది.
- ఆహార నియామాలు మార్చుకోవడం వల్ల చర్మంపై మొటిమలు తగ్గించుకోవచ్చు అంటున్నారు.
- రోజువారీ ఆహారంలో వివిధ రకాల కూరగాయలు తీసుకోవడం చర్మానికి మంచిది. వాటిల్లో ఉండే విటమిన్స్, యాంటీ ఆక్సిడెంట్స్ చర్మాన్ని సూర్యరశ్మి నుంచి కాపాడుతాయి. ముఖ్యంగా టమోటా, క్యారెట్, క్యాప్సికమ్, బెర్రీస్, స్ట్రా బెర్రీస్ వంటివి. వీటితో పాటు ఆపిల్, ఆరెంజ్ వంటి పండ్లు చర్మ ఆరోగ్యానికి ఉపయోగపడతాయి.
- ఐస్క్రీమ్స్, ఆయిల్స్ ఫుడ్స్కు దూరంగా ఉండటం మంచిది.
చర్మ సౌందర్యానికి మరిన్ని చిట్కాలు
- నీళ్లు...చర్మం ముడతలు పడటానికి కారణాల్లో నీళ్లు తాగకపోడం కూడా ఒకటి. నీటిని సమృద్ధిగా తాగితే చర్మం సాగదు, ముడతలు పడదు. ఆరోగ్యంగా మెరుస్తూ ఉంటుంది.
- విటమిన్-ఇ..దీని లోపం వల్ల కూడా ముడతలు వస్తాయి. అందుకే ఈ విటమిన్, ఒమేగా-3 ఫ్యాటీ ఆమ్లాలుండే పదార్థాలను రోజూ తీసుకోవాలి. రాజ్మా, అవిసెగింజలు, బాదం, కాజులనూ తీసుకోవాలి.
- విటమిన్-సీ...జామ, ఉసిరి, సంత్రా... తీసుకోవాలి. ఇవి రోగనిరోధక శక్తిని పెంచుతాయి. చర్మాన్ని ఆరోగ్యంగానూ ఉంచుతాయి.
- కొబ్బరి... చర్మాన్ని తాజాగా, ఆరోగ్యంగా ఉంచుతుంది.
- సోయాబీన్‌, మొలకలు... వీటితో కూడా చర్మం ఆరోగ్యంగా ఉంటుంది.