yadadri: మహాదివ్య క్షేత్రంగా పునర్నిర్మితమవుతోన్న యాదాద్రి పనులు ముమ్మరంగా సాగుతున్నాయి. మార్చి 28 న మహాకుంభ సంప్రోక్షణ కార్యక్రమం సమీపిస్తుండటంతో పనుల్ని వేగవంతం చేశారు. ఈ క్రమంలో ప్రత్యేక విద్యుద్దీకరణ పనులను చేపట్టి మంగళవారం రాత్రి మరోసారి ట్రయల్ రన్ చేశారు. రాత్రివేళల్లో జిగేల్ మనిపించేలా ఆలయ సన్నిధిలో విద్యుత్ దీపాల ఏర్పాట్లు చేస్తున్నారు. సాలహారాల్లోని విగ్రహాలు, ఆలయ ప్రాకారం, అష్టభుజి మండప ప్రాకారాలు విద్యుత్ కాంతులు వెదజల్లేలా ప్రత్యేక ఏర్పాట్లు కొనసాగుతున్నాయి.
రక్షణగోడకు రథోత్సవ హంగులు
యాదాద్రి క్షేత్ర సందర్శనకై వచ్చే భక్తులు మరిచిపోలేని విధంగా హంగులతో ఈ క్షేత్రాన్ని రూపొందిస్తున్నారు. ఈ క్రమంలో కొండపై నిర్మితమవుతోన్న భారీ స్వాగత తోరణం కుడి పక్కన రక్షణగోడపై స్వామివారి రథోత్సవ వేడుకను చిత్రీకరించనున్నారు. ఆ మేరకు నమూనాను సైతం సిద్దపరిచారు. మహాదర్పంగా సంభోద్భవుడు లక్ష్మీ సమేతంగా తిరు రథోత్సవ వేడుకలో మహాదర్పానికి నిదర్శనమైన ఐరావతం (ఏనుగు) లాగుతున్న వేడుకను చిత్రీకరించేందుకు రంగం సిద్ధం చేస్తున్నారు. నమూనా ప్రకారం ఈ దృశ్యాన్ని రాజస్థాన్ కటౌట్లు లేదా సిమెంట్ వర్ణ చిత్రంలా రూపొందించాలా అని యోచిస్తున్నారు. ఖరారు కాగానే రక్షణగోడకు ఈ హంగులు అద్దనున్నారు. ఈ చిత్రాన్ని 20 అడుగుల ఎత్తు, 50 అడుగుల వెడల్పులో రూపొందించనున్నారు.
ఇదీ చదవండి:
