ఓటు అవగాహనకు నడుంకట్టిన స్వయంసేవక్ సంఘాలు

సామాన్యుల చేతిలో వజ్రాయుధం ఓటు... అలాంటి ఓటు హక్కును నిర్లక్ష్యం చేయకుండా సక్రమంగా వినియోగించుకోవాలంటూ భువనగిరిలో స్వయం సేవక్ సంఘాలు అవగాహన కల్పించాయి.

భువనగిరిలో స్వయం సేవక్ సంఘాల ప్రతినిధులు ఓటు హక్కు వినియోగంపై అవగాహన ర్యాలీ నిర్వహించారు. జిల్లా పాలనాధికారి అనితా రామచంద్రన్ జెండా ఊపి ప్రారంభించారు. అంతకు ముందు సభ్యులతో కలెక్టర్​ ప్రతిజ్ఞ చేయించారు. ఆర్డీవో కార్యాలయం నుంచి జగదేవ్​పూర్ కూడలి వరకు ర్యాలీ ప్రదర్శించారు. ప్రతీ ఒక్కరు ఓటు హక్కును వినియోగించుకోవాలని కలెక్టర్​ అనిత విజ్ఞప్తి చేశారు. ఎలాంటి ప్రలోభాలకు లొంగకుండా ప్రజలందరూ నిర్భయంగా ఓటు వేయాలన్నారు. కార్యక్రమంలో స్వయం సహాయక సంఘాలతో పాటు పురపాలక సంఘం, మెప్మా ఉద్యోగులు పాల్గొన్నారు.

ఇవీ చూడండి:దేశానికి హైదరాబాద్​ రెండో రాజధాని కావాలి: రేవంత్​