ద్విచక్రవాహనం అదుపుతప్పి చెట్టును ఢీ కొనడం వల్ల ఓ యువకుడు అక్కడికక్కడే మృతి చెందాడు. ఈ ఘటన యాదాద్రి భువనగిరి జిల్లా వలిగొండ మండలం టేకులసోమారం వద్ద శుక్రవారం అర్ధరాత్రి చోటుచేసుకుంది. మృతుడు అనాజీపురం గ్రామానికి చెందిన బొల్లెపల్లి వేణు కొండల్గా గుర్తించారు. వలిగొండ నుంచి అనాజీపురానికి వస్తుండగా ఈ ప్రమాదం జరిగింది. మృతదేహాన్ని శవపరీక్ష నిమిత్తం రామన్నపేట ఏరియా ఆసుపత్రికి తరలించారు. యువ తెలంగాణ పార్టీ అధ్యక్షుడు జిట్టా బలకృష్ణా రెడ్డి బాధిత కుటుంబ సభ్యులకు ప్రగాఢ సానుభూతి తెలిపారు.
యువకుడు మృతి