'స్వీయ నియంత్రణతోనే కరోనా కట్టడి'

యాదాద్రి భువనగిరి జిల్లా చౌటుప్పల్​లోని పారిశుద్ధ్య కార్మికులు, ఆశ కార్యకర్తలు, పోలీసులు, పాత్రికేయులకు ప్రభుత్వ విప్​ కర్నె ప్రభాకర్​ మాస్కులు, శానిటైజర్లు పంపిణీ చేశారు. స్వీయ నియంత్రణతోనే కరోనాను కట్టడి చేయగలమని తెలిపారు.

ప్రధానికి మోదీ, సీఎం కేసీఆర్​ చెప్పిన ప్రకారం స్వీయ నియంత్రణతోనే కరోనాను అంతం చేయవచ్చునని ప్రభుత్వ విప్ కర్నె ప్రభాకర్ తెలిపారు. యాదాద్రి భువనగిరి జిల్లా చౌటుప్పల్​లోని పారిశుద్ధ్య కార్మికులు, ఆశ కార్యకర్తలు, పోలీసులు, పాత్రికేయులకు సొంత నిధులతో మాస్కులు, శానిటైజర్లు పంపిణీ చేశారు.

అనంతరం టోల్​గేట్ వద్ద ట్రాఫిక్ పోలీసులకు మాస్కులు, శానిటైజర్లు అందించారు. కరోనా మహమ్మారిని కట్టడి చేయడానికి అవిశ్రాంతంగా శ్రమించడం వల్లే యాదాద్రి భువనగిరి జిల్లాకు గ్రీన్​జోన్​గా గుర్తింపు లభించిందని... లాక్​డౌన్ ముగిసే వరకు ప్రజలంతా సహకరించాలని కోరారు.

ఇదీ చూడండి:-లక్ష్మణరేఖ దాటకుండా కరోనాను జయిద్దాం