యాదాద్రి భువనగిరి జిల్లా ఆలేరు మాజీ ఎమ్మెల్యే పోచయ్య మృతికి కాంగ్రెస్ పార్టీ సంతాపం ప్రకటించింది. భువనగిరి ఎంపీ కోమటిరెడ్డి వెంకట్రెడ్డి పోచయ్య మృతదేహానికి పూలమాల వేసి నివాళులర్పించారు. భువనగిరి, ఆలేరు, యాదగిరిగుట్ట కాంగ్రెస్ నాయకులు పోచయ్య మృతికి శ్రద్ధాంజలి ఘటించారు. పోచయ్య మృతదేహాన్ని ఆయన స్వస్థలమైన రాజపేట మండలం రఘునాథపురం గ్రామానికి తరలించి అక్కడే అంత్యక్రియలు నిర్వహించనున్నారు.
ఆలేరు మాజీ ఎమ్మెల్యే పోచయ్యకు కోమటిరెడ్డి నివాళి - యాదాద్రి జిల్లా వార్తలు
గుండెపోటుతో హైదరాబాద్లోని దక్కన్ ఆస్పత్రిలో చేరిన పోచయ్య గురువారం తుదిశ్వాస విడిచారు. కాంగ్రెస్ పార్టీ నుంచి ఆయన గతంలో ఆలేరు ఎమ్మెల్యేగా అసెంబ్లీలో ప్రాతినిధ్యం వహించారు.
ఆలేరు మాజీ ఎమ్మెల్యే చల్లూరు పోచయ్య గుండెపోటుతో మృతి