KTR on Warangal Tech Center: 'జెన్‌పాక్ట్ రాకతో వరంగల్‌ ఐటీ మరింత బలోపేతం'

KTR on Warangal Tech Center: వరంగల్‌లో టెక్‌ సెంటర్ ఏర్పాటుకు జెన్‌పాక్ట్ సంస్థ ముందుకు వచ్చింది. జెన్‌పాక్ట్ రాకతో వరంగల్‌ ఐటీ మరింత బలోపేతం అవుతుందని పరిశ్రమల శాఖ మంత్రి కేటీఆర్ ట్వీట్​ చేశారు.

KTR on Warangal Tech Center: ఓరుగల్లుకు ఐటీ కంపెనీలు వరుస కడుతున్నాయి. తాజాగా వరంగల్‌లో టెక్‌ సెంటర్ ఏర్పాటుకు యూఎస్​కు చెందిన ఐటీ కంపెనీ జెన్‌పాక్ట్ ముందుకు వచ్చింది. ఈ మేరకు కంపెనీ సీఈఓ త్యాగరాజన్​.. మంత్రి కేటీఆర్​తో వర్చువల్​గా జరిగిన సమావేశంలో వెల్లడించారు. ఇప్పటికే సైయంట్​, టెక్​ మహీంద్ర కంపెనీలు వరంగల్​ నుంచి ఆపరేట్​ చేస్తుండగా... వీటి సరసన జెన్​పాక్ట్​ చేరనుంది.

వచ్చే ఆరునెలల్లో వరంగల్​లో ఈ టెక్​ సెంటర్​ సేవలను ఆరంభిస్తుందని.. తద్వారా వరంగల్​లో 250 ఐటీ ఉద్యోగాలు కల్పిస్తామని కంపెనీ సీఈవో త్యాగరాజన్​ మంత్రి కేటీఆర్​కు తెలిపారు. జెన్‌పాక్ట్ ప్రకటనపై మంత్రి కేటీఆర్​ హర్షం వ్యక్తం చేశారు. జెన్‌పాక్ట్ రాకతో వరంగల్‌ ఐటీ మరింత బలోపేతం అవుతుందని మంత్రి ట్వీట్​ చేశారు.

ఇదీ చదవండి:GHMC Ward Volunteer Committees : జీహెచ్​ఎంసీలో వార్డు వాలంటీర్ కమిటీలు