కొందరికి పాటలు పాడటం అలవాటు, మరికొందరికీ వినడం, ఇంకొందరికి రాయడం... ఇలా ఒక్కక్కరికీ ఒక్కో అలవాటు ఉండటం సహజమే. వరంగల్‌ కాజీపేటకు చెందిన ఈశ్వర్కు మాత్రం ఈల వేయందే పొద్దుపోదు. రోజులో సగభాగం ఈలేస్తూనే గడిపేస్తాడు. మంచి మంచి పాటలను మృధుమధురంగా ఈల వేస్తూ పాడటం.. ఈశ్వర్ నేర్చుకున్న విద్య.
ఈలతో ఫేమసయ్యాడు... ఈ కుర్రాడు
ఈలేస్తూ... పాటలు:
చిన్నతనంలో ఈశ్వర్‌కి పాటలు పాడటమంటే మహా ఇష్టం. అందరిలా తానూ పాడితే ప్రత్యేకత ఏముందని.. ఆలోచించాడు. వైవిధ్యంగా ఉంటుందని ఈల ద్వారా పాటలు పాడాలని నిర్ణయించుకున్నాడు. ఆలోచన వచ్చిందే తడవుగా ఆచరణలో పెట్టాడు. ఐటీఐ చదివిన ఈశ్వర్.. కాజీపేటలో సొంతంగా కంప్యూటర్స్‌ దుకాణం నడుపుతున్నాడు. ఖాళీ సమయాల్లో అక్కడా సాధన చేస్తున్నాడు. పాట పల్లవి, చరణం ఏ మాత్రం తప్పకుండా, తప్పుల్లేకుండా.. పెదాలు కలుపుతూ ఈల వేస్తూ పాటలు పాడేయడం మొదలు పెట్టాడు.
మెలోడీ పాటలే ఎక్కువ: