నిర్లక్ష్యం ఖరీదు

గుత్తేదారు నిర్లక్ష్యం నిండు ప్రాణాన్ని బలితీసుకుంది.  రైల్వే ఆర్వోబీ వంతెన నిర్మాణ పనులు చేస్తుండగా పైనుంచి కర్రజారిపడి రోడ్డుపై వెళ్తున్న వృద్ధురాలు అక్కడికక్కడే మృతి చెందింది.

వరంగల్ అర్బన్ జిల్లా పాత బీట్ బజార్ వద్ద రైల్వే ఆర్వోబీ వంతెన నిర్మాణం పనులు జరుగుతున్నాయి. రోడ్డుపై వెళ్తున్న ఓ వృద్ధురాలిపై కర్రజారిపడింది. అంతే అక్కడికక్కడే ఆమె ప్రాణాలు విడిచింది. మృతురాలు ధర్మసాగర్​కు చెందిన లక్ష్మీగా గుర్తించారు.
శోకసంద్రంలో కుటుంబం
మరణవార్త విని ఆమె పిల్లలు దిగ్భ్రాంతి చెందారు. కన్నీటిపర్యంతమయ్యారు. గుత్తేదారు నిర్లక్ష్యం వల్లే తమ తల్లి మృతి చెందిందని ఆవేదన వ్యక్తం చేశారు. వంతెన నిర్మాణ పనులు జరుగుతున్నప్పుడు రాకపోకలు నిలపకుండా పనులు చేయడంపై ఆగ్రహం వ్యక్తంచేశారు.
ఇవీ చదవండి:మృత్యుశకటం