వ్యవసాయ మార్కెట్లో రైతుల ఆందోళన రాష్ట్రంలోనే అతిపెద్దదైన వరంగల్ ఎనుమాముల వ్యవసాయ మార్కెట్లో రైతులు ఆందోళనకు దిగారు. మిర్చికి గిట్టుబాటు ధర కల్పించాలని డిమాండ్ చేస్తూ మిర్చి యార్డు కార్యాలయాన్ని ముట్టడించారు. అధికారులు వ్యాపారులతో కుమ్మక్కై తమకు అన్యాయం చేస్తున్నారని ఆరోపించారు. ప్రభుత్వం క్వింటా మిర్చి ధర 8 వేలు ప్రకటించినా..నాణ్యత పేరు చెప్పి రూ. 6 వేలు మాత్రమే చెల్లిస్తున్నారని రైతులు వాపోయారు. సమాచారం అందుకున్న పోలీసులు అన్నదాతలకు నచ్చచెప్పి ఆందోళనను విరమింపజేశారు.
రైతన్నల ఆందోళనతో మార్కెట్ యార్డులో క్రయవిక్రయాలు ఆలస్యంగా ప్రారంభమయ్యాయి. కనీస ధరను రూ.10 వేలకు పెంచితే తప్ప తమకు గిట్టుబాటు కాదని అన్నదాతలు ఆవేదన వ్యక్తం చేశారు.
