'కష్టకాలంలో దాతల సహృదయతకు సలాం'

కష్టకాలంలో ఆదుకున్న వాళ్లే నిజమైన సేవకులని మంత్రి ఎర్రబెల్లి దయాకర్​ రావు పేర్కొన్నారు. లాక్​డౌన్​ వేళ ప్రజలు ఒకరికి ఒకరు చేదోడువాదోడుగా నిలవాలని సూచించారు.

కరోనా కష్టకాలంలో నిరుపేద ప్రజల ఆకలి తీర్చేందుకు ముందుకొస్తున్న దాతలకు మంత్రి ఎర్రబెల్లి దయాకర్​ రావు సలాం కొట్టారు. వరంగల్ రూరల్ జిల్లా రాయపర్తి మండలం పెర్కవేడులో దాతల సహకారంతో నిరుపేద కుటుంబాలకు నిత్యావసర సరుకులు పంపిణీ చేశారు. ఉపాధి కోల్పోయి ఇబ్బందులు ఎదుర్కొంటున్న గ్రామీణ ప్రజలకు అండగా నిలుస్తున్న దాతల ఔదార్యాన్ని మంత్రి కొనియాడారు.