తండాల్లో ఏరులై పారుతున్న గుడుంబా

తండాల్లో గుడుంబా ఏరులై పారుతూనే ఉంది. అధికారులు ఎన్నిసార్లు దాడులు నిర్వహించినా ఫలితం లేకుండా పోతోంది. గట్టి చర్యలు చేపట్టకపోవడం వల్లే గుడుంబా తయారీకి కళ్లెం వేయలేకపోతున్నారనేది పలువురి వాదన.

వరంగల్‌ గ్రామీణ జిల్లా వర్ధన్నపేట మండలంలోని నీలగిరిస్వామితండా, గుబ్బెటితండా, డీసీతండా, రాయపర్తి మండలం బోటికిందితండాల్లో ఎక్సైజ్‌ అధికారులు దాడులు నిర్వహించారు. 5 లీటర్ల గుడుంబాతో పాటు 100 లీటర్ల బెల్లం పానకాన్ని పారబోశారు. ఓ వ్యక్తిపై కేసు నమోదు చేశారు. తరచూ దాడులు నిర్వహిస్తున్నా గుట్టు చప్పుడు కాకుండా గుడుంబా తయారీ అవుతూనే ఉండడం పలువురిని విస్మయానికి గురి చేస్తోంది.

ఇవీ చూడండి: 'నల్లధనంపై సమాచారం ఇవ్వడం కుదరదు'