బత్తాయిలు పంపిణీ చేసిన మంత్రి సత్యవతి రాఠోడ్​

వరంగల్​ జిల్లా నల్లబెల్లిలో మంత్రి సత్యవతి రాఠోడ్​ బత్తాయిలు పంపిణీ చేశారు. బత్తాయిలో ఉండే సి-విటమిన్​ రోగనిరోధక శక్తిని పెంచుతుందని మంత్రి సూచించారు. మండల పరిధిలో 11 వేల మందికి అందించారు.

కరోనా వైరస్​ నివారణ చర్యల్లో భాగంగా వరంగల్ గ్రామీణ జిల్లా నల్లబెల్లిలో మంత్రి సత్యవతి రాఠోడ్ బత్తాయిలు పంపిణీ చేశారు. స్థానిక కస్తూర్బా గాంధీ పాఠశాలలో జడ్పీ ఫ్లోర్ లీడర్ పెద్ది స్వప్న సుదర్శన్ రెడ్డి ఆధ్వర్యంలో కార్యక్రమం నిర్వహించారు. బత్తాయిల్లో ఉండే సి-విటమిన్​ రోగనిరోధక శక్తిని పెంచుతుందని మంత్రి అన్నారు. నల్లబెల్లి మండలంలోని 11 వేల కుటుంబాలకు అందజేశారు. కార్యక్రమంలో ఎంపీ మాలోత్ కవిత, ఎమ్మెల్యే పెద్ది సుదర్శన్ రెడ్డి, జడ్పీ వైస్​ ఛైర్మన్​ ఆకుల శ్రీనివాస్ పాల్గొన్నారు.

ఇదీ చూడండి:యూపీలో ఇద్దరు పూజారుల హత్య- యోగిపై విపక్షాల విమర్శలు