వరంగల్ గ్రామీణ జిల్లా నర్సంపేట పట్టణంలోని 'ఈనాడు వసుంధర కుటుంబం, ప్యాంపర్స్' సంయుక్తంగా చిన్నారుల ఆరోగ్య సంరక్షణపై అవగాహన కార్యక్రమం నిర్వహించారు. 'పాపాయీ ఆరోగ్యమస్తు' పేరిట నిర్వహించిన కార్యక్రమానికి జిల్లా వైద్యాధికారి మధుసూదన్ ముఖ్య అతిథిగా హాజరయ్యారు. పిల్లలు పుట్టిన గంటలోగా తల్లిపాలు పట్టించడం వల్ల రోగనిరోధక శక్తి పెరుగుతుందని, ఇన్ఫెక్షన్లు రాకుండా ఉంటాయని తెలిపారు. తల్లిపాలు అమృతంతో సమానమని చిన్న పిల్లలు, స్త్రీ వైద్య నిపుణులు డా. గోపాల్, డా. నవత తెలిపారు. పిల్లల పెంపకంపై పలు సూచనలు చేశారు. చిన్న పిల్లలకు ఎటువంటి అసౌకర్యం కలగకుండా ప్యాంపర్స్ తయారుచేస్తున్నట్లు ఆ సంస్థ సేల్స్ మేనేజర్ కాశీనాథ్ తెలిపారు. ఈ కార్యక్రమంలో ఈనాడు వరంగల్ యూనిట్ మేనేజర్ రాజు, పలువురు అంగన్వాడీ, ఆశా కార్యకర్తలు, చంటి పిల్లల తల్లులు హాజరయ్యారు.
వసుంధర, ప్యాంపర్స్ ఆధ్వర్యంలో 'పాపాయీ ఆరోగ్యమస్తు'