క్రీడలను ఆస్వాదిస్తూ ఆడాలి: పరకాల పుర ఛైర్ పర్సన్

క్రీడల్లో గెలుపోటములు సహజమని, క్రీడాకారులు ఆటను ఆస్వాదించాలని పరకాల మున్సిపల్ ఛైర్​పర్సన్ సోదా అనితారామకృష్ణ అన్నారు. పట్టణంలోని ప్రభుత్వ కళాశాల ఆవరణలో నిర్వహించిన జిల్లాస్థాయి వాలీబాల్ టోర్నమెంట్​ను ప్రారంభించారు.

ఆరోగ్యకరమైన జీవితానికి క్రీడలు దోహదం చేస్తాయని వరంగల్ గ్రామీణ జిల్లా పరకాల పురపాలక ఛైర్​పర్సన్ సోదా అనితారామకృష్ణ అన్నారు. పరకాలలోని ప్రభుత్వ కళాశాల ఆవరణలో జరిగిన జిల్లా స్థాయి వాలీబాల్ టోర్నమెంట్​ను ప్రారంభించారు. క్రీడాకారులకు ఎమ్మెల్యే చల్లా ధర్మారెడ్డి అందించిన టీ షర్టులను పంపిణీ చేశారు.

క్రీడాకారుల అభివృద్ధికి ఎమ్మెల్యే ధర్మారెడ్డి కృషి చేస్తున్నారని అనిత అన్నారు. ఏ సమస్య ఉన్నా తమ దృష్టికి తీసుకురావాలని తెలిపారు. అనంతరం క్రీడాకారులతో కలిసి కాసేపు వాలీబాల్ ఆడారు. ఈ కార్యక్రమంలో వైస్ ఛైర్మన్ విజయపాల్ రెడ్డి, జడ్పీటీసీ మొగిలి, హాకీ క్లబ్ అధ్యక్షుడు సారంగపాణి, జిల్లా కబడ్డీ అసోసియేషన్ ఉపాధ్యక్షుడు రమేశ్, కౌన్సిలర్ సంపత్, వాలీబాల్ క్లబ్ నిర్వాహకులు, క్రీడాకారులు పాల్గొన్నారు.

ఇదీ చదవండి:బాణసంచా నిషేధించాలని ప్రభుత్వానికి హైకోర్టు ఆదేశం