అకాల వర్షం గుండెకోత మిగిల్చింది: రైతులు

అకాల వర్షానికి రైతన్నలు కన్నీరు మున్నీరవుతున్నారు. ఆరుగాలం పండించిన పంట... చేతికందే సమయానికి వర్షం వచ్చి తమ ఆశలను నిరాశచేసి... గుండెకోత మిగిల్చిందంటూ ఆవేదన వ్యక్తం చేస్తున్నారు.

వనపర్తి జిల్లా కొత్తకోట, మదనాపురం మండలంలో తెల్లవారుజామున కురిసిన వర్షం అన్నదాతలకు తీవ్రనష్టం మిగిల్చింది. చేతికొచ్చిన పంటను సొమ్ము చేసుకునేందుకు ఆరబోసిన రైతులకు ఉదయాన్నే తడిసిన ధాన్యం దర్శనమిచ్చింది. కోతకు వచ్చిన వరి నేలకు ఒరిగింది.

రోడ్డుపై ఆరబోసిన ధాన్యం అంతా కొట్టుకుపోవడంతో రైతులు ఆవేదన వ్యక్తం చేస్తున్నారు. ప్రభుత్వం తమను ఆదుకోవాలని కోరుతున్నారు. తడిసిన ధాన్యాన్ని ఆరబెట్టేందుకు అగచాట్లుపడుతున్నారు. వెంటనే కొనుగోలు కేంద్రాలను ఏర్పాటు చేయాలని అధికారులను కోరుతున్నారు.

పంటల్లోకి కొట్టుకుపోయిన ధాన్యం

ఇదీ చూడండి:అకాల వర్షం: ఆరబెట్టిన ధాన్యం వర్షార్పణం