రెండు వేర్వేరు ప్రమాదాల్లో ఇద్దరు మృతి

44వ జాతీయ రహదారిపై రెండు వేర్వేరు చోట్లలో జరిగిన రోడ్డు ప్రమాదాల్లో ఇద్దరు మృతి చెందగా, మరొకరు తీవ్రంగా గాయపడ్డారు. పోలీసులు కేసు నమోదు చేసుకుని దర్యాప్తు ప్రారంభించారు.

ఉమ్మడి మహబూబ్​నగర్​ జిల్లాలోని 44వ నంబర్ జాతీయ రహదారిపై వేర్వేరు చోట్ల జరిగిన రెండు రోడ్డు ప్రమాదాల్లో ఇద్దరు అక్కడిక్కడే మృతి చెందగా, మరొకరు తీవ్రంగా గాయపడ్డారు. కర్నూల్​కు చెందిన తండ్రి, కుమారులు మౌలాలి, రజాక్​లు కారులో హైదరాబాద్ వెళ్తుండగా వనపర్తి జిల్లా పెద్దమందడి మండలం వెలటూర్ సమీపంలోకి రాగానే వేగంగా వెళ్తున్న కారు అదుపు తప్పి రహదారి కిందకు దూసుకెళ్లింది. ఈ ప్రమాదంలో తండ్రి మౌలాలి అక్కడిక్కడే మృతి చెందగా , కుమారుడికి తీవ్ర గాయాలు కావడం వనపర్తి జిల్లా ఆసుపత్రికి తరలించారు.

మరో ప్రమాదం..

మహబూబ్​నగర్ జిల్లా భూత్పూర్ మండల కేంద్రంలో ఉన్న ప్లై ఓవర్​పై బెంగళూరు నుంచి హైదరాబాద్ వెళ్తున్న కారు ముందు వెళ్తున్న లారీని ఢీ కొట్టిన ఘటనలో ఓ వ్యక్తి మృతి చెందాడు. కారులో ఇరుక్కున్న మృతదేహాన్ని పోలీసులు అతికష్టం మీద బయటకు తీశారు. రెండు ఘటనలపై పోలీసులు కేసు నమోదు చేసుకొని దర్యాప్తు చేస్తున్నట్లు తెలిపారు.

ఇవీ చూడండి: రోడ్డు ప్రమాదంలో అక్కాచెల్లెళ్ల మృతి