ప్రస్తుతం టమాటాకు మార్కెట్‌లో రైతు విక్రయ ధర రూ.10 లోపే ఉంది. రైతు పండించిన పంటను మార్కెట్‌కు తేవడానికి... కోత ధర, రవాణా, కూలి, కమీషన్లు తదితర ఖర్చులు దాదాపుగా అంతే అవుతుండడంతో అన్నదాతలు విసిగిపోతున్నారు. ఈ పరిస్థితుల్లో వికారాబాద్‌ జిల్లా నవాబుపేట మండలం ఎత్‌రాజ్‌పల్లికి చెందిన రైతు మల్లారెడ్డి తన టమాటా పంటను పొలంలోనే వదిలేశారు. మార్కెట్‌కు తీసుకువెళితే ఖర్చులు కూడా రావడం లేదని వాపోతున్నారు.
| 'రూ.35 వేలు వెచ్చించి అర ఎకరంలో టమాటా సాగు చేశా. పంటను రెండుసార్లు తీసి మార్కెట్‌కు తరలిస్తే రూ.10 వేలు మాత్రమే వచ్చాయి. ఇప్పుడు ఖర్చులు కూడా రావడంలేదు. మార్కెట్‌కు తీసుకువెళ్లినా నష్టాలే వస్తున్నాయని కోయలేక పొలంలోనే వదిలేశా.' |