వికారాబాద్​లో అంగరంగ వైభవంగా బతుకమ్మ సంబురాలు

తెలంగాణ ఆడపడుచుల పండుగ బతుకమ్మ వేడుకలు వికారాబాద్ జిల్లాలో అంగరంగ వైభవంగా జరుగుతున్నాయి. నాలుగు రోజుల కిందట ప్రారంభమైన బతుకమ్మ సంబురాలు వికారాబాద్, తాండూరు, పరిగి, కొడంగల్ నియోజకవర్గం జోరుగా సాగుతున్నాయి.

వికారాబాద్​ జిల్లాలో బతుకమ్మ సంబురాలు అంగరంగ వైభవంగా కొనసాగుతున్నాయి. నాలుగు రోజులుగా జరుగుతున్న బతుకమ్మ పండుగ వేడుకలు వికారాబాద్​, తాండూరు, పరిగి, కొడంగల్​ నియోజకవర్గాల్లో జోరుగా కొనసాగుతున్నాయి.

మహిళలు ఉత్సాహంగా బతుకమ్మ సంబురాల్లో పాల్గొంటున్నారు. జిల్లా పరిషత్ అధ్యక్షురాలు సునీతా రెడ్డి ఎమ్మెల్యే ఆనంద్​తో కలిసి.. బంటారంలో నిర్వహించిన బతుకమ్మ సంబరాల్లో పాల్గొన్నారు. తాండూరు పట్టణంలో పలు ప్రాంతాల్లో జరిగిన బతుకమ్మ వేడుకల్లో పురపాలక సంఘం అధ్యక్షురాలు తాటికొండ స్వప్న పాల్గొని మహిళలతో పాటు బతుకమ్మ ఆడారు. జిల్లాలోని పలు పట్టణాల్లో ప్రతిరోజు సాయంత్రం కొవిడ్​ నిబంధనలు పాటిస్తూ.. మహిళలు తీరొక్క పూలతో బతుకమ్మను తయారుచేసి బతుకమ్మ వేడుకల్లో ఉత్సాహంగా పాల్గొన్నారు.

ఇదీ చూడండి :ప్రతి ఇంటికి రూ.10 వేల ఆర్థిక సాయం: సీఎం