Ratha Saptami Celebrations In Thimmapuram : సూర్యాపేట జిల్లా జాజిరెడ్డిగూడెం మండలం తిమ్మాపురం గ్రామంలో కొలువైన సూర్యభగవానుడి సన్నిధిలో రథసప్తమి వేడుకలు ఘనంగా నిర్వహించారు. ఏటా మాఘశుద్ధ సప్తమి నాడు ఆలయంలో ప్రత్యేక పూజలు నిర్వహిస్తారు. రథసప్తమి పర్వదినం పురష్కరించుకుని స్వామివారిని దర్శించుకునేందుకు భక్తులు పెద్దఎత్తున తరలివచ్చారు. ప్రాతఃకాల సమయంలోనే సూర్యకిరణాలు గర్భలయాన్ని, స్వామివారి పాదాలను తాకాయి. ఈ దృశ్యాన్ని చూసిన భక్తులు భక్తిపారవశ్యంతో పులకించిపోయారు.
స్వామివారిని దర్శించుకున్న మంత్రి జగదీశ్ రెడ్డి
రథసప్తమి సందర్భంగా మంత్రి జగదీశ్రెడ్డి సూర్యభగవానుడి ఆలయాన్ని సందర్శించారు. ఈ సందర్భంగా ఆలయ అధికారులు మంత్రికి స్వాగతం పలికారు. ఆలయంలో ప్రత్యేక పూజలు చేశారు.