సూర్యాపేట జిల్లా కోదాడ మండలం కాపుగల్లు గ్రామ శివారులో ప్రభుత్వ భూముల్లో నివాసం ఉంటున్న పేదల ఇళ్లను రెవెన్యూ సిబ్బంది కూల్చివేశారు. ముందస్తు సమాచారం లేకుండా కూల్చివేశారని బాధితులు ఆవేదన వ్యక్తం చేస్తున్నారు.
రోడ్డున పడ్డాం
ప్రభుత్వ భూముల్లోని పేదల నివాసాల కూల్చివేత.. ఆందోళనలో బాధితులు
రెక్కాడితే గాని డొక్కాడని బతుకులు వాళ్లవి.. బతుకుదెరువు కోసం పక్క ఊరి నుంచి వలస వచ్చి వేరే గ్రామంలో గూడు ఏర్పరుచుకున్నారు. రెవెన్యూ అధికారులు ఆ ఇళ్లను కూల్చివేయడంతో దిక్కు తోచని స్థితిలో పడ్డారు. ముందస్తు సమాచారం లేకుండా కూల్చివేసి తమని రోడ్డున పడేశారని బాధితులు ఆవేదన వ్యక్తం చేస్తున్నారు. సూర్యాపేట జిల్లా కాపుగల్లు గ్రామ శివారులో ఈ ఘటన చోటు చేసుకుంది.
సూర్యాపేటలో పేదల నివాసాలు కూల్చివేత
బతుకు దెరువు కోసం ఉన్న ఊరుని వదిలి పక్క ఊరుకు వలస వచ్చి గ్రామ శివారులో పంచాయతీ అనుమతితో నివాసం ఏర్పరుచుకొని ఐదేళ్లుగా నివాసం ఉంటున్నామని బాధితులు తెలిపారు. ఇళ్లను ఖాళీ చేయమంటే చేసే వాళ్లమని కానీ సమాచారం ఇవ్వకుండా దౌర్జన్యంగా కూల్చివేశారని వాపోయారు. తమ ఇళ్లలో ఆరోగ్యం బాగాలేక మంచాన పడ్డవారున్నారని ఆవేదన చెందారు. కొంత డబ్బు దాచుకొని గూడు ఏర్పరుచుకున్నామని.. ప్రభుత్వం తమకు న్యాయం చేయాలని వేడుకుంటున్నారు.
ఇదీ చదవండి:కొవిడ్ సంక్షోభం సమయంలో బ్యాంకుల్లో పెరిగిన డిపాజిట్లు