నూతనకల్​లో 3లక్షల 19 వేల నగదు పట్టివేత

సూర్యాపేట జిల్లాలో ఎన్నికల అధికారులు 3లక్షల 19 వేల నగదు స్వాధీనం చేసుకున్నారు. నగదు సీజ్​ చేసి డీటీవోకు పంపినట్లు అధికారులు తెలిపారు.

సూర్యాపేట జిల్లా నూతనకల్​లో 3 లక్షల 19 వేల నగదును ఎన్నికల అధికారి స్వాధీనం చేసుకున్నారు. హుజూర్​నగర్​ ఉపఎన్నికల్లో భాగంగా... గురువారం నూతనకల్​ మండల కేంద్రంలో తనిఖీలు చేపట్టారు. మహబూబాబాద్​ జిల్లా తొర్రూర్​కు చెందిన నగల దుకాణం యజమాని కారు ఆపి తనిఖీ చేయగా... 3.19 లక్షల నగదు దొరికింది. నగలు కొనుగోలు చేసేందుకు విజయవాడ వెళ్తున్నట్లు ఆధారాలు, నగదుకు సంబంధించిన రశీదులు చూపించినప్పటికీ... సీజ్​ చేసి డీటీవోకు పంపినట్లు బాధితుడు ఆరోపించాడు.

ఇవీచూడండి: 'ప్రతీ ఒక్కరూ గాంధీ చూపిన మార్గంలోనే నడవాలి'