సూర్యాపేటలో జాతీయ రహదారికి సమీపంలోని వెంకట సాయి ప్లాస్టిక్ పరిశ్రమలో పేలుడు సంభవించింది. ఇందులో పాత ప్లాస్టిక్ వస్తువులను సేకరించి వాటిని ముక్కలుగా చేస్తారు. ఒక డబ్బాను మిషన్తో కొస్తుండగా ఒక్కసారిగా పేలుడు సంభవించినట్లు ప్రత్యక్ష సాక్షులు చెబుతున్నారు. పేలుడు దాటికి పరిశ్రమ షెడ్ రేకులు ఎగిరిపోయాయి. గోడ కూలిపోయింది. అందులో పనిచేసే కార్మికులు బయటికి పరుగులు తీశారు. ప్రమాదంలో మధ్య ప్రదేశ్కు చెందిన రామచంద్ర సాహూ అక్కడికక్కడే మృతి చెందగా మరో ఇద్దరికి గాయాలయ్యాయి. క్షతగాత్రులను ఆస్పత్రికి తరలించారు. పేలుడు గల కారణాలు పోలీసులు విచారిస్తున్నారు.
ప్లాస్టిక్ పరిశ్రమలో పేలుడు... ఒకరు మృతి