సీఎం కేసీఆర్కు మంత్రి హరీశ్ రావు పుట్టినరోజు శుభాకాంక్షలు తెలిపారు. దశాబ్దాల ప్రత్యేక తెలంగాణ కల కేసీఆర్ వల్లే నెరవేరిందని పేర్కొన్నారు. కేసీఆర్ సారథ్యంలో రాష్ట్రం ప్రగతిపథంతో దూసుకుపోతోందని స్పష్టం చేశారు. కేసీఆర్ జన్మదినం తెలంగాణకు పండుగరోజని అన్నారు. సీఎం కేసీఆర్ నూరేళ్లు ఆరోగ్యంగా ఉండాలనేది 5 కోట్ల ప్రజల కోరికని హరీశ్ రావు ట్వీట్ చేశారు.
'దశాబ్దాల ప్రత్యేక తెలంగాణ కల మీ వల్లే నెరవేరింది. భావి తరాల బంగారు తెలంగాణ మీ వల్లే సాధ్యమవుతుంది. మీరు ముఖ్యమంత్రి అయ్యాకే తెలంగాణ తలరాత మారింది. మీ నాయకత్వంలో రాష్ట్రం ప్రగతిపథంలో దూసుకుపోతోంది. గత కాలపు వెతలన్నీ తీరి ఇంటింటా సంతోషం వెల్లివిరుస్తున్నది.'