'మహిళలకు, పిల్లలకు ప్రత్యేక పార్కు'

అంతర్జాతీయ మహిళా దినోత్సవ వేడుకలు సంగారెడ్డిలో ఘనంగా జరిగాయి. కార్యక్రమంలో భాగంగా పిల్లల కోసం ప్రత్యేక పార్కును ఆయన ఏర్పాటు చేశారు.

సంగారెడ్డి జిల్లా కేంద్రంలోని 27వ వార్డులో మహిళలకు, పిల్లలకు ప్రత్యేక పార్కును ఏర్పాటు చేశారు. మహిళాదినోత్సవ వేడుకల్లో భాగంగా ఈ పార్కు ఏర్పాటు చేశామని జిల్లా కలెక్టర్ హనుమంతురావు వెల్లడించారు. ఈ పార్కు నిర్మాణంలో మహిళలు కృషి ఎనలేనిదని తెలిపారు.

మహిళల గొప్పదనానికి ఎవరూ సాటిలేరని కలెక్టర్ వ్యాఖ్యానించారు. ప్రతి వార్డులో పార్కు ఏర్పాటు చేస్తామని హామీ ఇచ్చారు. అనంతరం కలెక్టరేట్ ఆవరణలో మహిళల కోసం టాయిలెట్ల నిర్మాణానికి శంకుస్థాపన చేశారు.

ఇవీ చూడండి:వెనుకబడిన వర్గాలకు రూ.4,356.82 కోట్లు