Harish Rao On CM KCR : ఒకప్పుడు అభివృద్ధికి ఎంతో దూరంలో ఉన్న సంగారెడ్డిలో... ముఖ్యమంత్రి కేసీఆర్ కృషితో ఎన్నో అభివృద్ధి పనులు చేపట్టారని మంత్రి హరీశ్రావు అన్నారు. సంగమేశ్వర, బసవేశ్వర ఎత్తిపోతల పథకాలు సంగారెడ్డి చరిత్రలో చిరస్థాయిగా నిలిచిపోతాయని పేర్కొన్నారు. సంగారెడ్డి జిల్లా నారాయణ్ఖేడ్లో సంగమేశ్వర, బసవేశ్వర ఎత్తిపోతల పథకాలకు ముఖ్యమంత్రి కేసీఆర్ శంకుస్థాపన చేశారు. అనంతరం నారాయణ్ఖేడ్లో ఏర్పాటు చేసిన బహిరంగ సభలో పాల్గొన్నారు. సీఎం నాయకత్వంలో ఇంటింటికీ మిషన్‌ భగీరథ నీళ్లు వస్తున్నాయని... రైతులకు 24 గంటల ఉచిత విద్యుత్‌ అందడమే కాకుండా.. ప్రాజెక్టుల ద్వారా 4 లక్షల ఎకరాలకు సాగునీరు వచ్చిందని మంత్రి హరీశ్రావు పేర్కొన్నారు. సంగారెడ్డి ప్రజల సాగునీటి కష్టాలను తొలగించేందుకు రూ.4 వేల కోట్లతో సంగమేశ్వర, బసవేశ్వర ఎత్తిపోతల నిర్మాణానికి సీఎం కేసీఆర్ శంకుస్థాపన చేశారని అన్నారు. మంజీరాలో వరద వస్తే ఆ నీళ్లు గోదావరిలో కలవడమే మనకు తెలుసని, కానీ... గోదావరి నీళ్లను వెనక్కు మళ్లించి మంజీరాలో కలిపే ఓ మహా అద్భుతాన్ని సీఎం కేసీఆర్ ఆవిష్కరించారని తెలిపారు.
Harish Rao On CM KCR : 'కేసీఆర్ కాలు పెడితే ఆ ప్రాంతం సస్యశ్యామలం అవుతుంది'
Harish Rao On CM KCR : రాముడు ఎక్కడ కాలుపెడితే రాయి అహల్య అయిందని రామాయణంలో చెప్పేవారని. ఇవాళ ముఖ్యమంత్రి కేసీఆర్.. ఎక్కడ అడుగు పెడితే ఆ ప్రాంతం సస్యశ్యామలం అవుతున్నట్లు నేటి చరిత్ర చెబుతుందని మంత్రి హరీశ్రావు కొనియాడారు. సంగారెడ్డి జిల్లా నారాయణ్ఖేడ్లో సంగమేశ్వర, బసవేశ్వర ఎత్తిపోతల పథకాలకు ముఖ్యమంత్రి కేసీఆర్ శంకుస్థాపన చేశారు. అనంతరం నారాయణ్ఖేడ్లో ఏర్పాటు చేసిన బహిరంగ సభలో పాల్గొన్నారు.
Harish Rao
ముఖ్యమంత్రి కేసీఆర్ కృషితో నారాయణ్ఖేడ్లో ఎన్నో అభివృద్ధి పనులు చేపట్టాం. నారాయణ్ఖేడ్లో 54 తండాలు గ్రామ పంచాయతీలుగా మారాయి. సంగారెడ్డి జిల్లాలో 699 పంచాయతీలకు రూ.20 లక్షల చొప్పున నిధులు ఇవ్వాలి. జహీరాబాద్‌, సంగారెడ్డి మున్సిపాలిటీలకు రూ.50 లక్షల చొప్పున ఇవ్వాలి. మిగతా 6 మున్సిపాలిటీలకు రూ.25 లక్షల చొప్పున నిధులు ఇవ్వాలి. -హరీశ్రావు, ఆర్థికశాఖ మంత్రి.
'కేసీఆర్ కాలు పెడితే ఆ ప్రాంతం సస్యశ్యామలం అవుతుంది'
ఇదీ చూడండి :Sangameshwara And Basaveshwara : సంగమేశ్వర, బసవేశ్వర ఎత్తిపోతలకు శ్రీకారం చుట్టిన సీఎం