సంగారెడ్డి జిల్లా కంగ్టి మండలంలోని నాగూర్ గ్రామంలో రేపు జరగనున్న బాల్య వివాహాన్ని ముందస్తు సమాచారంతో ఐసీడీఎస్ అధికారులు అడ్డుకున్నారు. మండలంలోని నాగూర్లో మైనర్ బాలికకు వివాహం చేస్తున్నారని తెలుసుకున్న ఐసీడీఎస్ అధికారులు గ్రామానికి చేరుకుని తల్లిదండ్రులకు కౌన్సెలింగ్ ఇచ్చారు.
వివాహం జరగబోయే అమ్మాయి వయసు 18 ఏళ్లు నిండలేదని అమ్మాయి తల్లిదండ్రులతో పాటు వరుడి తరపు వారందరికీ అవగాహన కల్పించారు. బాల్య వివాహం చేయడం వల్ల జరిగే అనర్థాలను వారికి వివరించారు. ఎక్కడైనా బాల్యవివాహాలు జరుగుతున్నట్లు తెలిస్తే వెంటనే తమకు సమాచారం అందించాలని ప్రజలకు సూచించారు.
మైనరు బాలిక వివాహన్నిఅడ్డుకున్న ఐసీడీఎస్ అధికారులు