ముందస్తు చర్యల్లో భాగంగా ఉచిత వైద్య శిబిరం

సీజనల్ వ్యాధులతో విద్యార్థినిలు ఇబ్బంది పడకుండా ఉండేందుకు సంగారెడ్డి జిల్లాలోని మహాత్మ జ్యోతిబా పూలే బీసీ సంక్షేమ గురుకుల కళాశాలలో వైద్య శిబిరం నిర్వహించారు.

సంగారెడ్డి జిల్లా పటాన్​చెరు మండలం ముత్తంగి గ్రామ పరిధిలో ఉన్న మహాత్మ జ్యోతిబా పూలే బీసీ సంక్షేమ గురుకుల జూనియర్ కళాశాలలో టీఆర్​ఆర్ కళాశాల ఆధ్వర్యంలో ఉచిత వైద్య శిబిరం నిర్వహించారు. ఇందులో విద్యార్థినులకు ఉచిత వైద్య పరీక్షలు నిర్వహించి మందులు పంపిణీ చేశారు. విద్యార్థులకు ఎటువంటి ఇబ్బందులు లేకపోయినప్పటికీ... ముందస్తు జాగ్రత్తలు తీసుకుంటున్నామని ప్రిన్సిపల్ రాజేశ్వరి తెలిపారు.

ఇవీ చూడండి: ఆర్టీసీ సంస్థకు కొత్త రూపు తెచ్చేందుకు సర్కారు సన్నాహాలు