ఆసుపత్రిలో సిబ్బందికి కరోనా.. ఆందోళనలో రోగులు

సంగారెడ్డి జిల్లా పటాన్​చెరులో కరోనా కలవరం రేపుతోంది. తాజాగా స్థానిక ప్రభుత్వాసుపత్రిలో పలువురు వైద్య సిబ్బంది ఈ మహమ్మారి బారినపడ్డారు. ఫలితంగా ఆసుపత్రికి వచ్చిన వారిలో ఆందోళన మొదలైంది.

సంగారెడ్డి జిల్లా పటాన్​చెరు ప్రభుత్వాసుపత్రిలో 12 మంది వైద్య సిబ్బంది కరోనా బారినపడ్డారు. ఫలితంగా మిగిలిన సిబ్బంది, ఆసుపత్రిలోని రోగుల్లో ఆందోళన వ్యక్తమవుతోంది.

పటాన్​చెరులోని టంగుటూరి అంజయ్య స్మారక ప్రాంతీయ ఆసుపత్రిలో విధులు నిర్వహిస్తున్న వైద్య సిబ్బంది 75 మందికి కరోనా పరీక్షలు నిర్వహించారు. ఈ క్రమంలో 12 మంది సిబ్బందికి పాజిటివ్​గా నిర్ధరణ అయినట్లు వైద్యులు తెలిపారు.

బాధితుల్లో ఒప్పంద కార్మికులు, ఆసుపత్రిలో రోగులకు ఆహారాన్ని వండి, వడ్డించే వారు ఉండటం ఆందోళన కలిగిస్తుంది.