స్థానిక సంస్థల ఎన్నికల్లోనూ తెరాసదే విజయంః పాటిల్
ఎంపీటీసీ, జడ్పీటీసీ ఎన్నికల్లో తెరాస అఖండ మెజార్టీతో గెలుస్తుందని ధీమా వ్యక్తం చేశారు జహీరాబాద్ ఎంపీ బీబీ పాటిల్. స్థానిక ఎన్నికలు సమీపిస్తున్న నేపథ్యంలో నారాయణ్ ఖేడ్లో పార్టీ కార్యకర్తల సమావేశం నిర్వహించింది. ఎవరు ఎన్ని విష ప్రచారాలు చేసినా కార్యకర్తలు తిప్పికొట్టాలన్నారు పాటిల్. రాష్ట్రంలో జరిగిన అభివృద్ధి తెరాస ప్రభుత్వం అధికారంలోకి వచ్చిన తర్వాతే జరిగిందని చెప్పుకొచ్చారు. సమావేశానికి ఎమ్మెల్యే భూపాల్ రెడ్డితో పాటు పలువురు నేతలు హాజరయ్యారు.