'అధిక విద్యుత్​ బిల్లులను మాఫీ చేయాలి'

లాక్​డౌన్​ సమయంలోని విద్యుత్​ బిల్లులను మాఫీ చేయాలంటూ కాంగ్రెస్‌ నాయకులు సంగారెడ్డి జిల్లా నారాయణఖేడ్​ బీదర్​ జాతీయ రహదారిపై రాస్తారోకో నిర్వహించారు. బిల్లులను వెంటనే వెనక్కి తీసుకోవాలంటూ నల్లబ్యాడ్జీలు ధరించి నిరసన వ్యక్తం చేశారు.

లాక్‌డౌన్‌ సమయంలో వచ్చిన అధిక విద్యుత్​ బిల్లులను ఉపసంహరించుకోవాలంటూ కాంగ్రెస్‌ నేతలు సంగారెడ్డి జిల్లాలోని నారాయణఖేడ్​- బీదర్​ జాతీయ రహదారిపై రాస్తారోకో, బైక్​ర్యాలీ నిర్వహించారు. అనంతరం విద్యుత్​ కార్యాలయాన్ని ముట్టడించారు.

నల్ల బ్యాడ్జీలు ధరించి ప్రభుత్వానికి వ్యతిరేకంగా నినాదాలు చేశారు. ప్రభుత్వం పేద ప్రజలపై మూడింత విద్యుత్ ఛార్జీల భారాన్ని మోపడం సరైనది కాదంటూ నారాయణఖేడ్​ కౌన్సిలర్​ ఆగ్రహం వ్యక్తం చేశారు. వెంటనే బిల్లులను రద్దుచేయాలని డిమాండు చేశారు.

ఇదీ చదవండి:మిడతల దాడులను 'ప్రకృతి విపత్తు'గా ప్రకటించాలి: కాంగ్రెస్