ఇంట్లో చెప్పుకోలేక.. బెట్టింగ్ డబ్బులు కట్టలేక...

ఐపీఎల్​ క్రికెట్​ బెట్టింగ్​ నిండు ప్రాణాన్ని బలిగొన్న ఘటన రంగారెడ్డి జిల్లా తుర్కయాంజాల్​లో చోటుచేసుకుంది. అప్పు చేసి బెట్టింగ్​లో ఓడి... నిర్వాహకులకు డబ్బులు చెల్లించలేక, తల్లిదండ్రులకు చెప్పలేక ఆ యువకుడు బలవన్మరణానికి పాల్పడ్డాడు.

రంగారెడ్డి జిల్లా తుర్కయంజాల్​కు చెందిన అఖిల్​ నగంలోని ఓ ప్రైవేట్​ కళాశాలలో బీఎస్సీ చివరి సంవత్సరం చదుపుతున్నాడు. గత వారం జరిగిన ఐపీఎల్​ల్​ ఓ మ్యాచ్​కు రూ.15వేలు బెట్టింగ్​ పెట్టి ఓడిపోయాడు. బెట్టింగ్ రాయుళ్లు డబ్బులు చెల్లించాలని వేధించడం వల్ల స్నేహితుల సాయంతో రూ.10వేలు చెల్లించాడు. మిగతా డబ్బుల నిమిత్తం అఖిల్​ చరవాణిని తీసుకెళ్లారు. విషయం ఇంట్లో వాళ్లుకు చెప్పలేక, డబ్బు చెల్లించలేక తీవ్ర మనస్తాపం చెందిన అఖిల్ ఇంట్లో ఫ్యాన్​కు ఉరి వేసుకొని ఆత్మహత్య చేసుకున్నాడు. బెట్టింగ్​లో ఎన్ని డబ్బులు పోగొట్టుకున్నాడో తల్లిదండ్రులకు తెలియదని, అఖిల్​ను తాము మందలించలేదని, అఖిల్ ఫోన్ ఇంట్లో లేదని బంధువులు తెలిపారు. పోలీసులు కేసు నమోదు చేసుకుని దర్యాప్తు చేస్తున్నారు.బెట్టింగ్​కు పాల్పడిన వారిని వెంటనే అరెస్ట్ చేయాలని మృతుని తల్లిదండ్రులు పోలీసులను కోరారు. ఇవీ చూడండి:మూడో పంపు వెట్​రన్​ విజయవంతం