'ప్రజలంతా కలిసికట్టుగా కరోనా వ్యాప్తిని అరికట్టాలి'

కొవిడ్​ సెకండ్​ వేవ్​ నేపథ్యంలో షాద్​నగర్​ మున్సిపల్​ కమీషనర్ కె. నరేందర్ పురపాలక కార్యాలయంలో సమావేశమయ్యారు. వ్యాధి వ్యాప్తిని అరికట్టడంపై అవగాహన కార్యక్రమం చేపట్టారు. పట్టణంలోని ప్రజలంతా.. మాస్క్ ధరిస్తూ భౌతిక దూరం పాటించాలని కోరారు.

ప్రభుత్వ, ప్రైవేటు అధికారులతో కలిసి కరోనా వ్యాప్తిని అరికట్టడానికి ప్రజలంతా కృషి చేయాలని షాద్​నగర్​ మున్సిపల్​ కమిషనర్ కె. నరేందర్ కోరారు. డిప్యూటీ డీఎంహెచ్​ఓ దామోదర్, పట్టణ సీఐ నవీన్​తో కలిసి పురపాలక కార్యాలయంలో ఆయన సమావేశమయ్యారు.

పట్టణంలోని ప్రతి ఒక్కరు కొవిడ్​ నిబంధనలను పాటించాలని నరేందర్ సూచించారు. వార్డుల్లో వ్యాధి నివారణకు చేపట్టే పనులకు పూర్తి మద్దతిస్తామని తెలిపారు. వ్యాక్సిన్​తో వ్యాధిని అరి కట్టవచ్చని దామోదర్ వివరించారు. నిబంధనలకు విరుద్ధంగా కార్యక్రమాలను కొనసాగించే వారిపై చట్టపరంగా చర్యలు తీసుకుంటామని సీఐ హెచ్చరించారు.

ఇదీ చదవండి:తెలంగాణలో ఈ ఏడు విస్తారంగా వర్షాలు