ఎమ్మెల్సీ అభ్యర్థిగా పట్నం మహేందర్ ​రెడ్డి నామినేషన్​

స్థానిక సంస్థల ఎమ్మెల్సీ నామినేషన్ల ప్రక్రియ రెండో రోజు కొనసాగుతోంది. రంగారెడ్డి జిల్లా తెరాస అభ్యర్థిగా మాజీ మంత్రి పట్నం మహేందర్​రెడ్డి నామపత్రాలు దాఖలు చేశారు.

రంగారెడ్డి జిల్లా స్థానిక సంస్థల ఎమ్మెల్సీ అభ్యర్థిగా తెరాస నుంచి మాజీ మంత్రి పట్నం మహేందర్‌రెడ్డి నామినేషన్‌ వేశారు. మంత్రులు తలసాని శ్రీనివాస్‌ యాదవ్‌, మల్లారెడ్డి వెంట రాగా... రంగారెడ్డి జిల్లా కలెక్టర్‌ కార్యాలయంలో పాలనాధికారికి నామపత్రాలు అందజేశారు. ఈ కార్యక్రమానికి పెద్ద సంఖ్యలో కార్యకర్తలు, నేతలు తరలివచ్చారు.

ప్రజల ఆకాంక్షకు అనుగుణంగా

ఎమ్మెల్సీ అభ్యర్థిగా తనకు అవకాశం ఇచ్చినందుకు ముఖ్యమంత్రి కేసీఆర్‌కు మహేందర్‌రెడ్డి కృతజ్ఞతలు తెలిపారు. ప్రజల ఆకాంక్షలకనుగుణంగా చిత్తశుద్ధితో జిల్లా అభివృద్ధికి కృషి చేస్తానని హామీ ఇచ్చారు.

ఇదీ చూడండి : బ్యాలెట్ పత్రాల తారుమారు... రీపోలింగ్ నిర్వహించాలని నిరసన