హైదరాబాద్‌లో కుండపోత వర్షం కురిసింది. రెండు గంటలపాటు ఎడతెరిపి లేకుండా కురిసిన వర్షానికి నగరంలోని రోడ్లన్నీ జలమయమయ్యాయి. దీంతో వాహనదారులు తీవ్ర ఇబ్బందులు ఎదుర్కొన్నారు. జీహెచ్ఎంసీ మాన్‌నూన్‌ టీంలు రంగంలోకి దిగి నీరు నిలిచిన ప్రాంతాల్లో చర్యలు చేపట్టారు. ట్రాఫిక్ పోలీసులు ట్రాఫిక్ను క్లియర్ చేశారు. ఒక్కసారిగ వర్షం భారీగా కురవడంతో డ్రైనేజీలు, నాలాలు పొంగిపొర్లుతున్నాయి.
లోతట్టు ప్రాంతాలు జలమయం
By
Published : Sep 3, 2021, 2:15 PM IST
|
Updated : Sep 3, 2021, 2:20 PM IST
గ్రేటర్ పరిధిలో ఒక్కసారిగా భారీ వర్షం కురిసింది. రాత్రి 7.50 గంటలకు ప్రారంభమైన వర్షం ఏకధాటిగా రెండు గంటలపాటు కురిసింది. జూబ్లీహిల్స్, బంజారాహిల్స్, మాదాపూర్, పంజాగుట్ట, అమీర్‌పేట, మైత్రివనం, ఎర్రగడ్డ, శ్రీనగర్ కాలనీ, రాజ్భవన్ రోడ్ లేక్ వ్యూ గెస్ట్ హౌస్, ఖైరతాబాద్, హబ్సిగూడా, టోలిచౌకి ప్రాంతాలు చెరువులను తలపిస్తున్నాయి.
లోతట్టు ప్రాంతాలు జలమయం
నగరమంతా జలమయం
ఎస్సార్ నగర్, ఖైరతాబాద్, కోఠి, దిల్‌సుఖ్నగర్, కూకట్పల్లి, కేపీహెచ్బీ, అల్విన్ కాలనీ, బాలానగర్, నాచారం, మల్లాపూర్, తార్నాక, ఉప్పల్‌లో ఏకధాటిగా వర్షం కురిసింది. ఇప్పటికే లోతట్టు ప్రాంతాలు జలమయం కాగా, డ్రైనేజీలు, నాలాలు పొంగిపొర్లాయి. రోడ్లన్నీ చెరువులను తలపించాయి. దీంతో నగరంలో భారీగా ట్రాఫిక్ జాం ఏర్పడింది. యూసుఫ్గూడ, శ్రీకృష్ణ నగర్లో వరద నీటిలో కొట్టుకుపోతున్న ద్విచక్ర వాహనాన్ని స్థానికులు కాపాడారు.
జలమయమైన కాలనీలు
కొట్టుకుపోయిన బండ్లు
కృష్ణానగర్లో భారీవర్షానికి వచ్చిన నీటిలో తోపుడు బండ్లు కొట్టుకుపోయాయి. కుత్బుల్లాపూర్, జీడిమెట్ల జగద్గిరిగుట్ట, సూరారం, కూకట్పల్లి, నిజాంపేట్, ప్రగతి నగర్, కేపీహెచ్బీ కాలనీ, హైదర్నగర్ పరిసర ప్రాంతాల్లో వర్షం కురిసింది. మాదాపుర్ శిల్పారామం సమిపంలో ప్రధాన రహదారిపై భారీగా వరదనీరు వచ్చి చేరింది. మాదాపుర్ కోండాపుర్ మార్గంలో ట్రాఫిక్ సమస్య తలెత్తడంతో వాహనదారులు ఇబ్బందులు పడ్డారు. జీహెచ్ఎంసీ మాన్సూన్ టీంలు రంగంలోకి దిగి... నీరు నిలిచిన ప్రాంతాల్లో వాటిని పంపించారు.
కాలనీల్లో వరద బీభత్సం
కర్మాన్ఘాట్ ఉదయనగర్‌ కాలనీలో గతంలో ఎన్నడు లేని విధంగా వర్షం కురిసిందని రిటైర్డ్ ఇంజినీర్ అశోక్ తెలిపారు. ఇరిగేషన్ ఎక్సెస్ నీటిని డొమెస్టిక్ లైన్‌తో కలపడంతో తమ కాలనీకి గత రెండు సంవత్సరాలుగా ముంపు ప్రమాదం ఏర్పడిందని తెలిపారు.
అత్యధికంగా... జూబ్లీహిల్స్ ఎంసీఆర్ హెచ్‌ఆర్‌డీ 9.78 సెంటీమీటర్లు, అల్లాపూర్ వివేకానంద్ నగర్ 9.6, మాదాపూర్‌లో 8.75, మోతీనగర్‌లో 7.98, విరాట్ నగర్ 7.93, యూసఫ్గూడ 7.63, బాలానగర్‌లో 7.15 సెంటీమీటర్ల వర్షం నమోదైంది. ఫాతిమానగర్ 6.53, ఇందిరానగర్ కమ్యూనిటీ హాల్ 5.98, హస్తినాపురం కమ్యూనిటీ హాల్ 5.95, కుత్బుల్లాపూర్, రంగారెడ్డినగర్ 5.93, జీడిమెట్ల 5.65, కేపీహెచ్బీ సీబీ సీఐడీ కాలనీ 5.68, ఆసీఫ్నగర్ 5.65, షాపూర్నగర్ 5.48, కూకట్పల్లి 5.45, బంజారాహిల్స్ వెంకటేశ్వర కాలనీ 5.35, టోలీచౌక్ 5.25, వనస్థలిపురం 5.18 సెంటి మీటర్ల వర్షపాతం నమోదైంది.
