రంగారెడ్డి జిల్లా కడ్తాల్​లో లేగదూడపై చిరుత దాడి

చిరుత సంచారం ఆ గ్రామాల్లో ప్రజలకు కంటి మీద కునుకు లేకుండా చేస్తోంది. రంగారెడ్డి జిల్లా కడ్తాల్​ మండలం ముద్విన్​లో లేగదూడపై పులి దాడి చేసి చంపింది. మూడు నెలలుగా 16 పశువులపై దాడి చేసి చంపినా... అధికారులు బంధించడం లేదని గ్రామస్థులు ఆగ్రహం వ్యక్తం చేశారు.

రంగారెడ్డి జిల్లా కడ్తాల్​ మండలం ముద్విన్​లో లేగదూడపై చిరుత దాడి చేసింది. కొర్షకొండ తండా శివారులో రైతు రాజుకు చెందిన దూడను చంపింది. ఇప్పటివరకూ 16 పశువులను చిరుత హతమార్చినట్లు గ్రామస్థులు తెలిపారు. కడ్తాల్​, యాచారం, కందుకూరు మండలాల్లో 3 నెలలుగా చిరుత పులి సంచరిస్తున్నా అటవీ అధికారులు బంధించడం లేదని ఆగ్రహం వ్యక్తం చేశారు. చుట్టుపక్కల గ్రామాల్లో ప్రజలు భయాందోళనలతో కాలం వెళ్లదీస్తున్నారు.

బోనులు ఏర్పాటు

చిరుత సంచరిస్తున్న మండలాల్లో బోనులు ఏర్పాటు చేశామని అధికారులు తెలిపారు. రెస్క్యూ ఆపరేషన్​కు అనుమతి లభించిందని అటవీ శాఖ రేంజ్​ అధికారి సత్యనారాయణ పేర్కొన్నారు. త్వరలోనే పులిని పట్టుకుంటామన్నారు.

ఇదీ చూడండి : మద్యం మత్తులో కానిస్టేబుల్ వీరంగం