'ఇవి ముమ్మాటికి ప్రభుత్వ హత్యలే..! '

రాజన్న సిరిసిల్ల కలెక్టర్ కార్యాలయం ముందు కాంగ్రెస్ శ్రేణులు ఆందోళనకు దిగాయి. ఇంటర్మీడియట్ బోర్డు కార్యదర్శిని సస్పెండ్ చేసి, విద్యార్థుల కుటుంబాలను ప్రభుత్వం ఆదుకోవాలని డిమాండ్ చేశారు.

ఇంటర్మీడియట్ బోర్డు నిర్లక్ష్యాన్ని నిరసిస్తూ రాజన్న సిరిసిల్ల జిల్లా కేంద్రంలోని కలెక్టర్ కార్యాలయం ముందు జిల్లా కాంగ్రెస్ కమిటీ ఆధ్వర్యంలో రాస్తారోకో నిర్వహించారు. ఇంటర్మీడియట్ బోర్డు తీరుతో18 మంది విద్యార్థులు ఆత్మహత్యలు చేసుకున్నారని... ఇవి తెరాస ప్రభుత్వ హత్యలేనని కాంగ్రెస్ రాష్ట్ర నాయకులు ఆది శ్రీనివాస్ ఆరోపించారు. విద్యార్థుల ప్రాణాలతో చెలగాటమాడుతున్న విద్య శాఖ మంత్రి జగదీశ్వర్ రెడ్డిని బర్తరఫ్ చేసి, ఇంటర్మీడియట్ బోర్డ్ కార్యదర్శిని సస్పెండ్ చేయాలని డిమాండ్ చేశారు. ఆత్మహత్యలు చేసుకున్న విద్యార్థుల కుటుంబాలను ప్రభుత్వం ఆదుకొని వారికి ఎక్స్​గ్రేషియా చెల్లించాలని కోరారు.

ఇవీ చూడండి: ఉచితంగా రీ వెరిఫికేషన్​, రీ కౌంటింగ్​