స్పెషల్​ ఫుడ్ ప్రాసెసింగ్ జోన్​పై విజ్ఞప్తి... సానుకూలంగా స్పందించిన కేటీఆర్

వేములవాడ నియోజవర్గంలోని గంభీర్​పూర్​లో మామిడి, పసుపు స్పెషల్​ ఫుడ్​ ప్రాసెసింగ్​ జోన్(Special Food Processing Zone)​ ఏర్పాటు చేయాలని స్థానిక ప్రజాప్రతినిధులు మంత్రి కేటీఆర్(KTR)​కు విజ్ఞప్తి చేశారు. సానుకూలంగా స్పందించిన మంత్ర ముఖ్యమంత్రితో చర్చించి నిర్ణయం తీసుకుంటామని హామీ ఇచ్చారు.

రాజన్నసిరిసిల్ల జిల్లాలోని వేములవాడ నియోజకవర్గం కథలాపూర్ మండలం గంభీర్​పూర్​లో మామిడి, పసుపు స్పెషల్ ఫుడ్ ప్రాసెసింగ్ జోన్(Special Food Processing Zone)​ ఏర్పాటు చేయాలని స్థానిక ప్రజా ప్రతినిధులు... మంత్రి కేటీఆర్​(KTR)కు విజ్ఞప్తి చేశారు. నియోజకవర్గానికి చెందిన కథలాపూర్​ సర్పంచులు, ఎంపీటీసీలు ప్రగతిభవన్​లో మంత్రిని కలిసి... అభివృద్ధి కార్యక్రమాలకు సంబంధించిన విజ్ఞప్తులను కేటీఆర్​కు అందించారు.

నియోజకవర్గంలో స్పెషల్ ఫుడ్ ప్రాసెసింగ్ జోన్ ఏర్పాటు చేయాలని కోరారు. గంభీర్​పూర్​లో 344 ఎకరాల్లో మామిడి, పసుపు స్పెషల్ ఫుడ్ ప్రాసెసింగ్ జోన్(Special Food Processing Zone)​ఏర్పాటు చేయాలని విజ్ఞాపన పత్రాన్ని అందించారు. ఈ జోన్​ వల్ల రైతులకు అనేక ప్రయోజనాలు కలుగుతాయని మంత్రికి వివరించారు. జగిత్యాల జిల్లాలో 36 వేల ఎకరాల్లో మామిడి పండుతోందని.. తెలంగాణలోనే మొదటి స్థానంలో ఉన్నామని... పసుపు 22 వేల ఎకరాల్లో పండిస్తూ రెండో స్థానంలో ఉన్నామని తెలిపారు. ఈ రెండు ప్రధాన పంటల ప్రాసెసింగ్, శుద్ధి స్థానికంగానే జరిగితే రైతులకు గిట్టుబాటు, వ్యవసాయ ఆదాయానికి భరోసా, వేలాది మందికి ఉపాధి లభిస్తుందని పేర్కొన్నారు. ఈ ప్రతిపాదనపై సానుకూలంగా స్పందించిన మంత్రి కేటీఆర్... ఫుడ్ ప్రాసెసింగ్ జోన్ ఏర్పాటుపై ముఖ్యమంత్రితో చర్చిస్తామని హామీ ఇచ్చారు.

ఇదీ చూడండి:CM KCR: సర్పంచ్​తో ఫోన్​లో మాట్లాడిన ముఖ్యమంత్రి కేసీఆర్​