సర్జిపూల్​ పనులను పర్యవేక్షించిన స్మితాసబర్వాల్​

రాజన్న సిరిసిల్ల జిల్లా తిప్పాపూర్​లోని కొనసాగుతున్న సర్జిపూల్​ పనులను స్మితా సబర్వాల్​ పర్యవేక్షించారు. పనులను వేగవంతంగా సమన్వయంతో చేయాలని అధికారులను ఆదేశించారు.

రాజన్న సిరిసిల్ల జిల్లా ఇల్లంతకుంట మండలం తిప్పాపూర్​లోని సర్జిపూల్ పనులను ముఖ్యమంత్రి పర్సనల్ సెక్రటరీ స్మితా సబర్వాల్ పర్యవేక్షించారు. పనుల వివరాలను జిల్లా కలెక్టర్ కృష్ణ భాస్కర్​తో కలిసి అధికారులను అడిగి తెలుసుకున్నారు. అనంతగిరి ప్రాజెక్ట్ వద్దగల సర్జిపూల్ పనులు వేగవంతంగా కొనసాగించేందుకు తీసుకున్న చర్యలను అధికారులు ఆమెకు వివరించారు. సమన్వయంగా రాణిస్తూ ఎలాంటి అవాంఛనీయ సంఘటనలు చోటు చేసుకోకుండా ఉండాలని అధికారులను స్మితా సబర్వాల్​ ఆదేశించారు.

ఇదీ చూడండి: అధికారులకు స్మితా సబర్వాల్ వార్నింగ్