సిరిసిల్లలో హెల్మెట్​ వినియోగంపై అవగాహన

ఈవ్ టీజింగ్, ఏటీఎంల వద్ద జరుగుతున్న మోసాలు,  సైబర్ నేరాలు, శిరస్త్రాణం వినియోగంపై ఎప్పటికప్పుడు ప్రజలు, అవగాహన కలిగి ఉండాలని  రాజన్న సిరిసిల్ల జిల్లా ఎస్పీ రాహుల్ హెగ్డే అన్నారు.

రాజన్న సిరిసిల్ల జిల్లా ఎస్పీ రాహుల్ హెగ్డే ఆధ్వర్యంలో సిరిసిల్ల పట్టణంలో షీ టీం, సైబర్ నేరాలు, హెల్మెట్ వినియోగం, డయల్​ 100 నంబర్లపై విద్యార్థులకు అవగాహన కల్పించారు. రోడ్డు ప్రమాదాలు జరిగినప్పుడు శిరస్త్రాణం లేకపోవడం వల్ల ప్రాణాలు పోయే ప్రమాదం ఉందని తప్పకుండా ప్రతి ఒక్కరు హెల్మెట్​ ధరించి వాహనాలు నడపాలని సూచించారు. కళాశాలల్లో, బస్టాండ్​లలో యువకులు... మహిళలు, విద్యార్థినుల పట్ల అసభ్యంగా ప్రవర్తించినా.. ఈవ్​టీజింగ్​కు పాల్పడినా... 100 నంబర్​కు డయల్​ చేయాలని తెలిపారు. పోలీసులు వెంటనే వచ్చి సత్వర న్యాయం చేస్తామని పేర్కొన్నారు.

• ఇదీ చూడండి : లంచాలలో ఈ తీరే వేరయా... ఆ అధికారి ఇలా బుక్కయ్యాడు!