పర్యావరణ పరిరక్షణలో బాధ్యతగా ఉండండి

గోదావరిఖని రామగుండం ఎమ్మెల్యే క్యాంపు కార్యాలయంలో మంత్రి కొప్పుల ఈశ్వర్​ మొక్కలు నాటారు. ప్రపంచ పర్యావరణ దినోత్సవంలో భాగంగా ఈ కార్యక్రమం చేపట్టారు. పర్యావరణ పరిరక్షణలో అందరూ బాధ్యతగా ఉండాలని మంత్రి సూచించారు.

పెద్దపల్లి జిల్లా గోదావరిఖనిలో రామగుండం ఎమ్మెల్యే క్యాంపు కార్యాలయంలో ప్రపంచ పర్యావరణ దినోత్సవం కార్యక్రమం నిర్వహించారు. క్యాంపు ఆవరణలో సంక్షేమ శాఖ మంత్రి కొప్పుల ఈశ్వర్​, రామగుండం ఎమ్మెల్యే కోరికంటి చందర్​ మొక్కలు నాటారు. పర్యావరణ పరిరక్షణలో ప్రతి ఒక్కరూ బాధ్యత తీసుకొని మొక్కలు నాటాలని సూచించారు. ప్రాదేశిక ఎన్నికల్లో ప్రజలు నమ్మకంతో తెరాసకు పట్టం కట్టారని ఈశ్వర్​ అన్నారు. ఉమ్మడి కరీంనగర్​ జిల్లాలో 32 జిల్లా పరిషత్​ స్థానాలను గెలవడం అపూర్వ విజయమన్నారు.

ఇవీ చూడండి: ఇంటర్​ సప్లిమెంటరీ పరీక్షలు యథాతథం: అశోక్​