వాహనదారులంతా శిరస్త్రాణం ధరించి తమ ప్రాణాలను కాపాడుకోవాలని పెద్దపల్లి డీసీపీ సుదర్శన్ గౌడ్ పేర్కొన్నారు. జిల్లా కేంద్రంలోని రాజీవ్ రహదారిపై నిర్వహించిన శిరస్త్రాణం విశిష్టతపై అవగాహన కార్యక్రమంలో ఆయన పాల్గొన్నారు. హెల్మెట్ లేకుండా వాహనాలు నడుపుతున్న వారిచే కొత్త శిరస్త్రాణాను కొనిపించి.. వారికి అందజేశారు. ఏదైనా ప్రమాదం జరిగినప్పుడు శిరస్త్రాణం మన ప్రాణాలను కాపాడుతుందని తెలిపారు. దీనిపై ప్రజలకు అవగాహన కలిగేలా మరిన్ని కార్యక్రమాలు చేపడతామని ఆయన స్పష్టం చేశారు.
ప్రజల్లో శిరస్త్రాణంపై అవగాహన అవసరం: డీసీపీ