పెద్దపల్లి జిల్లా రామగుండం నియోజకవర్గంలో.. రోజురోజుకు పెరుగుతోన్న కొవిడ్ కేసులతో ప్రజలు భయాందోళనకు గురవుతున్నారు. వైరస్ కట్టడి చర్యల్లో భాగంగా 12వ డివిజన్లోని విట్టల్ నగర్ వాసులు.. స్వచ్ఛందంగా లాక్ డౌన్ ప్రకటించుకున్నారు. లాక్ డౌన్ నియమాలను పాటిస్తామంటూ.. కార్పొరేటర్ రజిత స్థానికులతో ప్రతిజ్ఞ చేయించారు.
స్వచ్ఛందంగా లాక్ డౌన్ ప్రకటించుకుంటోన్న ప్రజలు
కరోనా దృష్ట్యా.. పెద్దపల్లి జిల్లా రామగుండం నియోజకవర్గం 12వ డివిజన్లోని ప్రజలు.. స్వచ్ఛందంగా లాక్ డౌన్ ప్రకటించుకున్నారు. ప్రజలంతా కొవిడ్ నియమాలను పాటించాలని కార్పొరేటర్ రజిత కోరారు.
self lockdown
ప్రజల సంక్షేమం దృష్ట్యా.. వారం రోజుల పాటు లాక్ డౌన్ నిర్ణయం తీసుకున్నట్లు కార్పొరేటర్ తెలిపారు. ఉదయం 6 నుంచి మధ్యాహ్నం 11 గంటల వరకు మాత్రమే దుకాణాలు తెరుచుకుని ఉంటాయన్నారు. ఎలాంటి ఇబ్బందులు ఎదురైనా.. తమ దృష్టికి తీసుకురావాలని సూచించారు.
ఇదీ చదవండి:బెల్లంపల్లి ఐసోలేషన్‌ కేంద్రంలో 8 మంది కొవిడ్ రోగులు మృతి