పెద్దపల్లి జిల్లా మంథని నుంచి కరీంనగర్కు 74 కిలోమీటర్లు. గతంలో మంథని నుంచి కరీంనగర్కు ప్రయాణికులు ఎక్స్ప్రెస్ బస్సులో-రూ.66 చెల్లించి ప్రయాణం చేసేవారు. ఆర్టీసీ ఛార్జీల పెరుగుదలతో ఇప్పుడు రూ.85 రూపాయలు వసూలు చేస్తున్నారు.
జిల్లా ఎక్స్ప్రెస్ బస్సుల్లో రూ.15 రూపాయలు పెంచారు. అంటే మంథని-కరీంనగర్ ప్రస్తుత ఛార్జీ (రూ.66+రూ.15) రూ.81 రూపాయలుండాలి.. కానీ చిల్లర కోసం ఆ ధరను ఏకంగా రూ.85లకు పెంచారు. ఒక్కొక్క ప్రయాణికుడి వద్ద రూ.4 చొప్పున దోపిడి జరుగుతోంది.
రూ.81లు ఉన్న ఛార్జీని రూ.80లకు తగ్గిస్తే సౌలభ్యంగా ఉంటుందని ప్రయాణికులు ప్రభుత్వాన్ని కోరుతున్నారు. ఇప్పటికే పెరిగిన ఛార్జీలు తమపై పెనుభారాన్ని మోపుతుండగా.. ఈ అదనపు ఛార్జీలు రోజు బస్సులో ప్రయాణించే సామాన్యుడి నడ్డి విరుస్తున్నాయని వాపోతున్నారు.