క్రికెట్ బెట్టింగ్ ముఠాలపై దాడులు

రామగుండంలో క్రికెట్ బెట్టింగ్ ముఠాలపై టాస్క్​ఫోర్స్ అధికారుల దాడులు నిర్వహించారు. 13 మందిని అదుపులోకి తీసుకుని 20 ఫోన్లు, రెండు ల్యాప్​టాప్​లు, లక్షా ఎనిమిది వేల నగదు స్వాధీనం చేసుకున్నారు.

పెద్దపల్లి జిల్లా రామగుండం కమిషనరేట్ పరిధిలో క్రికెట్ బెట్టింగ్ రాయుళ్లపై టాస్క్​ఫోర్స్ అధికారులు దాడులు నిర్వహించారు. 13 మందిని అదుపులోకి తీసుకున్నారు. మరో ఇద్దరు పరారీలో ఉన్నారు. బెట్టింగ్​కు పాల్పడిన మరో 20 మందికి వారి తల్లిదండ్రుల సమక్షంలో రామగుండం సీపీ సత్యనారాయణ కౌన్సిలింగ్ ఇచ్చారు. పరారీలో ఉన్న మరో ఇద్దరు ప్రధాన బుకీల కోసం ప్రత్యేక బృందాలను ఏర్పాటు చేసి త్వరలోనే అదుపులోకి తీసుకుంటామని సీపీ వెల్లడించారు. బెట్టింగ్ రాయుళ్ల నుంచి 20 మొబైల్ ఫోన్స్, రెండు ల్యాప్​టాప్​లు, లక్షా ఎనిమిది వేల రూపాయల నగదును స్వాధీనం చేసుకున్నారు.