నిజామాబాద్ జిల్లా కేంద్రంలోని ప్రభుత్వ జనరల్‌ ఆస్పత్రి ఆవరణలో ఏర్పాటు చేసిన వైరాలజీ ల్యాబ్‌లో నిత్యం 300 నుంచి 500 కరోనా(కొవిడ్‌ 19) పరీక్షలు నిర్వహించవచ్చని పాలనాధికారి నారాయణరెడ్డి తెలిపారు. వైరాలజీ ల్యాబ్‌ను పరిశీలించి అధికారులకు పలు సూచనలు చేశారు. ప్రతిసారి కరోనా పరీక్షకు హైదరాబాద్‌ వెళ్లే అవసరం లేదని.. ప్రభుత్వం అత్యాధునిక పరికరాలు జిల్లాకు పంపించిందని.. ప్రభుత్వ ఆమోదం పొందిన తర్వాత ల్యాబ్‌లో కరోనా పరీక్షలు ప్రారంభిస్తామన్నారు.
కొవిడ్‌ 19 బాధితులకు సౌకర్యాలు
- కరోనా అనుమానితుల కోసం 200 పడకల ఆసుపత్రి సిద్ధంగా ఉందన్నారు.
- ఆసుపత్రిలో మొత్తం 15 వెంటిలేటర్లు ఉన్నాయి.. వీటిలో 10 కరోనా రోగులకు, 5 ఇతర రోగులకు కేటాయించాం.
- వీటికితోడూ 80 మందికి ఆక్సిజన్‌ సపోర్టింగ్‌ పరికరాలు అందుబాటులో ఉన్నాయి.
- రాష్ట్ర ఆరోగ్యశాఖ మరో 15 వెంటిలేటర్లను కేటాయించింది.