రైల్వే స్టేషన్​ని సందర్శించిన గజానన్ మాల్యా

నిజామాబాద్ జిల్లా కేంద్రంలోని రైల్వే స్టేషన్​​ ప్రాంగణంలో మల్టీ కాంప్లెక్స్ నిర్మాణానికి సికింద్రాబాద్ దక్షిణ మధ్య రైల్వే జనరల్ మేనేజర్ గజానన్ మాల్యా భూమిపూజ చేశారు.

సికింద్రాబాద్ దక్షిణ మధ్య రైల్వే జనరల్ మేనేజర్ గజానన్ మాల్యా నిజామాబాద్ జిల్లా కేంద్రంలోని రైల్వే స్టేషన్​లో పర్యటించారు. అనంతరం స్టేషన్​ ప్రాంగణంలో మల్టీ కాంప్లెక్స్ నిర్మాణానికి భూమిపూజ చేశారు. రైల్వే స్టేషన్​లోని అన్ని విభాగాలను పరిశీలించి... ముఖ్యంగా ప్లాట్ ఫాం విస్తరణ పనులు చేస్తామని గజానన్ మాల్యా తెలిపారు.

రైల్వే స్టేషన్​ను సోలార్ స్టేషన్​గా మారుస్తామన్నారు. అలాగే ప్రయాణికుల అవసరాల నిమిత్తం నాలుగు ఫుట్ బోర్డు ఎస్కలేటర్లను ఏర్పాటు చేయనున్నట్లు స్పష్టం చేశారు. అలాగే నిజామాబాద్ నుంచి కరీంనగర్ వరకు రైళ్లను పెంచే విధంగా చర్యలు తీసుకుంటామన్నారు.

ఇవీ చూడండి: దిల్లీ, మహారాష్ట్రలో 'పౌర'చట్టంపై నిరసనజ్వాల