'హామీలు నెరవేర్చలేక పోతే రాజీనామా చేసి ఉద్యమిస్తా'

నిజామాబాద్​లోని వ్యవసాయ మార్కెట్​ యార్డును లోక్​సభ భాజాపా అభ్యర్థి ధర్మపురి అర్వింద్​ పరిశీలించారు. తమ మేనిఫెస్టోలో పొందు పర్చకపోయినప్పటికీ  పసుపు బోర్డు ఏర్పాటు చేసితీరుతామని హామీ ఇచ్చారు.

భాజాపా జాతీయ పార్టీ కనుక మేనిఫెస్టోలో ప్రతి అంశాన్ని పొందుపర్చలేదని ఆపార్టీ నిజామాబాద్​ ఎంపీ అభ్యర్థి ధర్మపురి అర్వింద్​ అన్నారు. ఇందూరులోని మార్కెట్​ యార్డులో పసుపు రాశులను పరిశీలించారు. గత ఎన్నికల మేనిఫెస్టోలో పేర్కొన్న హామీలు అమలులో తెరాస సర్కారు విఫలమైందన్నారు. భాజపాకు మద్దతివ్వాలని కార్మికులను అభ్యర్థించారు. తాను పసుపు బోర్డును తేలేకపోతే రాజీనామా చేసి రైతుల తరఫున ఉద్యమం చేస్తానన్నారు.

ఇదీ చదవండి: 'అవినీతి రహిత పాలన మోదీతోనే సాధ్యం'