ఇప్పటికిప్పుడు నిజామాబాద్‌లో ఎన్నికలు పెట్టినా... భాజపా అన్ని నియోజకవర్గాలను క్లీన్‌స్వీప్‌ చేస్తుందని ఎంపీ అర్వింద్ ధీమా వ్యక్తం చేశారు. రైతులు, నిరుద్యోగుల ముసుగులో తెరాస నేతలు దాడిచేస్తున్నారని ఆరోపించారు. ధర్పల్లిలో భాజపా కార్యకర్తలు ఏర్పాటుచేసిన శివాజీ విగ్రహాలను తెరాస నేతలు ఆవిష్కరించడాన్ని ఎంపీ తీవ్రంగా ఆక్షేపించారు.
భాజపా ఎదుగుదలను ఏ తెరాస నాయకుడు ఆపలేడని అర్వింద్ అన్నారు. కమలం పువ్వు వికసించేసిందని చెప్పారు. ప్రతీ గ్రామంలో సీసీ రోడ్ల నిర్మాణంలో 90 శాతం నిధులు కేంద్రానివని పేర్కొన్నారు. తెరాసకు పరాయి సొమ్ము తినడం అలవాటైందని విమర్శించారు. ఆర్మూర్లో తమపై దాడి చేసి రైతులపై నింద వేశారని అన్నారు. ధర్పల్లిలో దాడి చేసింది నిరుద్యోగులా అని ప్రశ్నించారు. రెండు పడక గదుల ఇళ్లు ఇవ్వలేదని భాజపా నేతలపై మహిళలు దాడి చేస్తారా అని అన్నారు.